ჯაკომო კაზანოვა - ჩემი თავგადასავალი

ცნობილი ავანტიურისტი ჯაკომო კაზანოვა მრავალმხრივი ნიჭით დაჯილდოებული ადამიანი იყო. ექიმბაშობდა, წერდა პიესებსა და რომანებს, ატარებდა მაგიისა და კაბალისტიკის სეანსებს, თაღლითობდა ბანქოში, იჩემებდა ჰიდრავლიკის, ბიოლოგიის, ქიმიის, ალქიმიის, ფიზიკის, სამხედრო და საინჟინრო საქმის ცოდნას, იცნობდა ანტიკურ ფილოსოფიასა და მწერლობას, იყო აბატი, ჯარისკაცი, მასონი და დამსმენი, ენამჭევრი მოსაუბრე და მუსიკოსი, თუმცა სახელი სულ სხვა ასპარეზზე გაითქვა - როგორც ქალების გულთამპყრობელმა და უბადლო მუსუსმა. ჯაკომო კაზანოვამ თვითონვე შექმნა მითი მსოფლიოს უდიდეს საყვარელზე, როდესაც თავისი ავტობიოგრაფია დაწერა.